Hii
Success hone ke liye har koi pareshan hai. Lekin India me krodo ki
aabadi me log success chahte to hain
lekin bas sochte rahte hain ki aisa kya
kare ke jaldi success ho jaaye. Idea sab
ke paas hai lekin uspar koi kaam nahi
karna chahta. Sab ke sab nya dhudne me lage hain kuch nya. Agar mai galat
nahi hu to aapne bhi kabhi na kabhi
google par search kiya hoga jyada
paise ya jaldi paise kaise kmaaye.
Ameer banane ke liye kya kare ya
achche paise kmane ke liye kaun sa business kare ya aur bhi bahut kuch.
Aisa sochna galat nahi hai aap nahi
mai nahi aapka padosi apka mohalla
aapka gaav aapka shahar or aapka
desh saari duniya aisa hi sochti hai. Har
koi har samay yahi sochta hai. Bas fark
hai to itna ki kam kmaane wala jyada ki or jyada kmane wala aur jyada ki
sochta rahta hai.
Lekin aisa kyu hai ki sab safal nahi hote. Inme se kuch hi safal hote hain
or kuch majil par pahuchne se pahle hi
ruk jaate hain. Kuch ka to unke sapno
ki taraf kadam bhi nahi uthata. Wo sirf
sapne dekhte rahte hain or saari
jindagi sochte hi rah jaate hain ki aisa kar de to aisa ho jayega. Lekin kisi ko
samajh hi nahi aata ye kaisa karke
kaisa ho jaane ki baat kar rhe hain. Aise
log hi 'Khyali pulav' or 'Sekh chilli ke
sapne' jaise tane bhi sunte hain. Lekin
aisa nahi hai wo kuch karna nahi chahte. Wo karna to bahut kuch
chahte hain lekin unhe samajh nahi
aata ki shuruaat kahan se kare.
Aap ek aaloo bechne wala jo ki
samjhdar dikhta ho usse kabhi puch ke
dekhiye. Aap chaunk jayenge ki uske
sapne aap se bhi bade hain. Lekin kuch
paise kuch suvidhao or shayad kuch
shiksha ke kami ki wajah se wo kuch kar nahi sakta.
Aapki or meri samasya bhi kuch aisi
ho sakti hai. Kuch paise kuch suvidha ki
kami. Lekin hmare paas shiksha hai.
Lekin phir bhi ham me or usme kuch
jada difference nahi. Bas itna sa
difference hai ki wo gali gali ghum kar paise kamata hai or ham kisi chote
mote vyapar se ya kisi chhoti moti
naukari se.
Samanta ye hai ki dono hi kabhi
apne sapne ke liye sakht kadam nahi
uthate or jindgi ke ant me uske or aap
ke account me fark bas kuch rupyo ka
rah jata hai. Sangharsh dono ke
bachcho ko karna padta hai. Jindagi dono ki santano ko shuru se hi shuru
karni padti hai. Kisi ko kuch bhi bna
bnaya nahi milta.
Matlab sirf ashiksha ya shiksha hi
maayne nahi rakhti apko iske baad bhi
bahut kuch karna padta hai. Is
samanta ko mitaane ke liye or aapke or
uske beech is difference ko bdhane ke
liye.
Aap apne aap se puchiye kya aap is
naukari se khus hain ya jo business kar
rahe hain usse khus hain. Nahi na. Kuch
mahapurusho ka kahna hai ki
"Manushya kabhi santusht nahi hota
chahe wah kitna bhi kuch paa jaaye or isliye wo dukhi rahta hai. Or jo
manushya jitna hai utne me santusht
ho jata hai use kabhi koi dukh nahi
hota." Lekin kya is baat me sachchayi
hai? Mujhe to nahi pta.
Kya aap khus hain is baat se ki aap
jo kma rahe hain utna bahut hai. Man lo
aap aisa sochte bhi ho ki aap khus ho
santusht ho to kya uske baad aapko
kabhi koi pareshani nahi hui. Aisa nahi
hai pareshaniya ya bimaariya kabhi bta kar nahi aati.
Fir kyu aap wahi rukna chahte hain
jahan par hain. Aage badiye. Sapne jo
aapne dekhe hain uske liye sochna
shuru kariye, future map bnana shuru
kriye, aaj se abhi se, uthiye bistar se ,
copy pen nikaliye or likhna shuru kariye. Sirf sochne se kuch nahi hoga.
Action lena padega.
Ho sakta hai pahla map galat bane
rasta aage band ho, dubara shuru
kariye fir se, chalte rahiye badhte
rahiye, girte uthate rahiye, lekin rukiye
mat. Kyoki jahan aap ruk gye aapka
vikas ruk jayega. Dekhiye is duniya ki taraf kitni tej bhaag rahi hai. 2G 3G 4G
lekin rukna kise hai 5G 6G speed
dekhiye. Ye sirf aapko ishara kar rahe
hain jo ruk gya wo pichhe chhut
jayega use mudkar dekhne wala koi
nahi.
Agar aap aaj bhi 2G network me hi ji
rahe hai to Jio jaise offer ka fayda
uthayiye. Jindagi me aise bahut mauke
hai unhe talasiye. Ruke mat rahiye
ichchao ko mat dabayiye. Koshish
kariye hoga or jo aapne socha hai wo aapse hi hoga.
Aaj se kuch din pahle aapne airtel ka
4G wala advertise dekha hoga. Lekin
ab har jagah jio jio hai. Yahi hai jindagi
koi kisi se kam nahi hai. Aap bhi kisi se
kam nahi hai. Aap kisi ko bhi maat de
sakte hain.
Aap kis chij se darte hain. Risk se
investment se ya fir asaflata se. Jaahir
hai ki agar aapne aaj tak kisi chij ki
shuruaat hi nahi ki to asafalta se to
nahi darte. Kyoki aapne safalta ya
asafalta ko dekha hi nahi hai. Ap sirf risk se investment se darte hain. Aapki
soch kisi se alag nahi hai. Kisi bhi nayi
jagah investment se sab darte hai.
kafee risky hai kyoki agar idea kaam
na aaya to jindagi bhar ki kamaayi
chali jayegi.
Fir se shuru karte hain aapka jo idea
hai use likhiye, Future map bnayiye,
investment plan bnayiye. Ab isme thoda change kariye.
Investment plan ko thoda chhota
kariye. Jindagi bahr ki kamayi thoda
jada ho rha hai to phir, 10 saal ki
kamayi , nahi nahi ye bhi jada hai, 1
saal ki kamayi, thoda aur kam 6 mahine ki kamayi, ye thik rahega. Ab sochiye agar ye bhi doob gya to.
Soch kar bhi current sa lagta hai. Ab
sochiye ki aap paise kyo kma rahe hain
khane ke liye pahanne ke liye,
ghumane ke liye. Lekin aaj tak kabhi
khul ke ye sab kia nahi. Khaya nahi ghuma nahi , pahna nahi. To ye sab
kriye na paise bacha kyo rhe hain.
Bhavishya ke liye. Dhyaan rakhiye wo
bhavishya kabhi nahi aayega.
Yahi kami hai. Aapko khud nahi pta
ki aap ye paise kis bhavishya ke liye
jod rahe hain. Aise paise ka kya krenge.
Ab sochiye ki agar aapka wo sapna
doob gya jo aap apne sunahare
bavishya ke liye dekhte hain. Ye badi chij hai. Apko risk lena hi padega.
Thode vishwas ke sath aage badhiye.
Shuruaat kariye.
Mai kisi daan peti me daalne ko nahi
bol rha hu. Is paise ka prayog karo ye
sochke karo ki isi chij ke liye paise
kmaaye hain. Sirf 6 mahine ki kmaayi
se shuru karo. Chhoti si shuraat karo.
Bade sapne ki taraf ek kadam bdhao. Fir dekhna ek din wo bhavishya bhi
aayega jab aap khaoge piyoge jiyoge,
lekin in sab ke liye sochoge nahi.
Maine upar ek aaloo bechne wale ka
example liya. Ye uske apmaan ke liye
nahi sirf ye btaane ke liye jab tak aap
kuch bda nahi sochte aapke liye koi
kuch nahi sochta. Sab apne liye sochte
hain. Agar aapke liye koi kuch sochta hai to wo hai aapka bura, aapka patan.
Apne liye aapko khud hi sochna
padega. Acha sochna padega. Bda
sochna padega Agar aapne aaj taiyari shuru kar di
hai ameer banane ka man bna liya hai
lekin fir bhi koi rasta nahi sujh rha. Ise
yahi par ye soch ke mat dba dijiyega ki
bahut aate hai motivate karne ke liye
mere jaise. Mere jaise bahut aate honge lekin aapne kisi ko serious nahi liya.
Aapko kisine kuch galat nahi btaya
hoga sabne aapko dhakka diya hoga ki
bhai aage badh. Lekin aap ye soch ke
jame rahe ki ye sab mere liye nahi. Ye
aapke liye hai sirf aapke liye. Mera likha hua ek ek shabd aapke liye hai.
Mera ye motivational article un logo
ki samajh me aayega jo dil me
sunahare bhavishya ka sapna liye
huye hain. Ek preplaning kiya hua hai.
Lekin har baar kisi na kisi wajah se us
plan ko start nahi de pa rahe hain. Shayad kuch logo ko samajh na aaye
kyoki unhe aaj se pyar hai. Wo aaj me
hi khus hain. Jitna hai usi me ji rahe,
thoda bacha rahe or bhavishya ke liye
roj subah bhagwan se kamna kar rahe
hain.
Ise sirf ek article ki tarah na le. Ise
ek baar dobara padhe. Agar aaj aap
khus hain, santust hain to mai kamna
karte hu. Aise hi chalta rahe. Lekin agar
behtar karna chahte hai to ek baar
jarur soche. Khud ko motivate kaise karna hai. Ye mai aapko btata rahunga.
Agar aap chahe to mujhe comment kar
sakte hain.
THANK YOU
hey...
ReplyDeletehey...
Delete